Continuamos no Plan proxecta co título do "O Monte Vivo" un ano máis sabedoras de que os traballos de concienciación son a longo prazo e é necesario unha continuidade para que impregnen ao alumnado de respecto polo medio ambiente así como que valoren os traballos de rexeneración do monte como necesarios.

Neste curso escolar 2019/20 traballamos na xornada conxunta plantando máis árbores onde non foran adiante os anteriores e aumentamos a zona de custodia. Nunha reunión previa cos profesores de Lourizán, José Antonio Gres e Carmela Alfonso decidimos qué planta traer e onde plantala, así como os traballos de limpeza precisos previos.

O 23 de Outubro foi o día escollido entre ambos centros educativos para facer a xornada conxunta por equipo formados por membros de ambolos dous centros. O alumnado de Lourizán tiñan o rol de monitores dos do IES. O obxetivo é concienciar aos pequenos da importancia da biodiversidade para a prevención  de lumes forestais que impliquen riscos para as nosas vidas.

 As brigadas mixtas fixeron os seguintes traballos: 

● Eliminación de especies invasoras (Eucaliptus globulus e Acacia

dealbata) aproximadamente 1000 exemplares.

● Plantación de árbores (Quercus robur, Quercus suber, Fraxinus

excelsior, Acer pseudoplatanus), arbustos (Crataegus monogyna, Laurus

nobilis, Arbutus unedo, Ruscus aculeatus, Ilex aquifolium) e Hypericum

perforatum.

● Sementeira de Quercus robur, Arbutus unedo, Laurus nobilis e Ilex

aquifolium.

● A Escola de Lourizán proporcionou e instalou protectores para cada

planta contra o ataque de coellos ou cabras.